«Կեղծ լուր» տերմինը տարբեր առիթներով օգտագործելը տարածված է նաև Հայաստանում։ Մարդիկ սովոր են ցանկացած տեսակի կասկածելի կամ սխալ տեղեկությունը կեղծ լուր որակել։ Եկեք տարբերակենք «կեղծ լուրերը» ըստ տեսակների։ 

Հայերենում կեղծ լուրի ամենատարածված հոմանիշը ապատեղեկատվություն է։ Սակայն այս բառն էլ ամբողջությամբ չի արտացոլում իրականությունը։ Անգլերենում ապատեղեկատվություն բառի երկու թարգմանություն կա՝ misinformation և disinformation։